МКУ "Усть-Алданская МЦБС"

e.uacbs.ru Саха Өрөспүүбүлүкэтин норуотун маастара Пелагея Степановна Максимова 100 сыллаах үбүлүөйэ истиҥник бэлиэтэннэ Саха Өрөспүүбүлүкэтин норуотун маастара Пелагея Степановна Максимова төрөөбүтэ 100 сылыгар анаммыт «Ийэ сылаас илиитин иэйиитэ» диэн үөрүүлээх тэрээһин олус иһирэхтик буолан ааста. Тэрээһини Тулуна библиотекатын сэбиэдиссэйэ Маргарита Васильевна Неустроева аста. Кини Пелагея Степановна II Лөгөй нэһилиэгэр култуура, үөрэх сайдыытыгар киллэрбит сүдү кылаатын ахтан ааста. Ол курдук, Тулунаҕа ааҕар балаҕан арыллыытыгар үлэлээбитэ, «Иис-уус» ийэлэр түмсүүтүн тэрийэн дьахталлары иискэ уһуйбута, оннооҕор Тулунаҕа бастакынан оҕуруот олордуутун саҕаласпыт киһинэн буолар диэн кэпсээтэ. Үбүлүөйгэ ыалдьыттар Тимур Корякин ийэ туһунан истиҥ ырыатынан, «Дьүрүскэн» ансаамбыл хомуска оонньоон эҕэрдэлээтилэр. Маастар улахан кыыһа, СР култууратын туйгуна, Уус-Алдан Киин библиотекатын бэтэрээнэ Венера Гаврильевна Бочкарева ийэтин олоҕун суолун, үлэлэрин уонна быыстапкатын билиһиннэрдэ. Уус-Алдан улууһун дьаһалтатын уонна култуура управлениятын аатыттан Анна Егоровна Лугинова махталын тиэрдэн туран, Пелагея Степановна дьиэ кэргэнигэр эҕэрдэ бастыҥ тылларын анаата. Оттон Мүрү нэһилиэгиттэн Екатерина Михайловна Бочкарева 1993 сыллаахха Бороҕоҥҥо саха таҥаһын сөргүтэр күрэххэ Пелагея Степановна үлэтэ улахан биһирэбили ылан кыайыылаах тахсыбытын сырдатта, дьонун-сэргэтин эҕэрдэлээтэ. Тэрээһин чэрчитинэн ыытыллыбыт «Иис-үүс алыба» диэн аһаҕас өрөспүүбүлүкэтээҕи күрэххэ уопсайа 44 үлэ кытынна (онтон 38-һэ аныгылыы, 6-та төрүт үгэһинэн тигиллибит суумкалар). Түмүккэ, аныгылыы халыыптаах суумкаҕа Лилия Петрова, онтон төрүт үгэһинэн тигиллибиккэ Александра Босикова инники күөҥҥэ таҕыстылар. Күрэх Чыпчаал аатын Уус-Алдан кыттааччыта Светлана Константинова ылан, ааптар оҕолорун аатыттан анал бэлэҕи тутта. Мария Захаровна Сивцева бэйэтин ахтыытыгар төрүт култуураҕа үлэлиэҕиттэн ыла Пелагея Степановнаны билэрин, кини олоҕун уонна айар үлгэтин суолун үрдүктүк сыаналыырын бэлиэтээтэ. Ону таһынан Мария Захаровна маастар сырдык аатын үйэтитиигэ анал бырайыактары олоххо киллэрэр наадатын эттэ. Бу курдук, үйэлээх үбүлүөйдээх тэрээһин биир киһи олоҕун эрэ буолбакка, бүтүн саха дьахтарын дьоҕурун, маастар киһи үйэлээх өйдөбүлүн уонна көлүөнэттэн көлүөнэҕэ бэриллэр үгэстэрин чиэстиир олус истиҥ бэлиэ тэрээһин буолан ааста.

Сэтинньи 6 күнүгэр Олоҥхо этно-култуурнай киинигэр "Көлүөнэ ситимэ" диэн норуот педагогикатын сугулаана ыытылынна. Сугулаан түмсүүлэр үөрэх тэрилтэлэрин кытта ситимнээх үлэни тэрийэргэ, оҕолорго норуот үтүө үгэстэрин тарҕатарга, үгэстэри туттан төрүт үөрүйэхтэри тэрийэр сыаллаах тэрилиннэ. Үөрэх управлениятын салайааччыта Федор Федорович Татаринов сугулааны арыйан, билиҥҥи көлүөнэ оҕолоро оскуоланы бүтэрэн киэҥ олоххо баралларыгар, "мин сахабын, мин уус алдаммын" диэн киэн тутталларын ситиһиэхтээхпит, онуоха сугулаан кыттыылаахтарыгар тэрээһин түмүгүнэн "онно мин тугу гыныахпын сөбүй?" диэн толкуй киириэхтээх диэн бэлиэтээтэ. Мунньахха Бэрт Ууһа нэһилиэгин дьаһалтатын, оскуолатын үлэһиттэрэ, түмсүүлэрэ бэйэлэрин этнопедагогикаҕа ыытар үлэлэрин уопуттарын үллэһиннилэр. "Уус кыһата" түмсүү салайааччыта Илларион Егорович Попов оскуоланы кытта бииргэ сайыҥҥы лааҕыр тэрийэн, оҕолору тимири охсорго, быһах оҥорорго, сахалыы сиэргэ-туомҥа үөрэтэллэрин, кэлин муҥха тэрийэр былааннаахтарын кэпсээтэ. "Эйэҕэс эбээлэр" түмсүү салайааччыта Альбина Львовна Неустроева библиотеканы кытта оҕолору сахалыы ааҕыыга, суруйууну сайыннарыыга болҕомтону уураллар эбит. Василий Иванович Копырин салайааччылаах "Эһээлэр түмсүүлэрэ" төрүччүнү үөрэтиигэ үлэлиирин туһунан кэпсээтэ. В.В.Алексеев аатынан Мүрүтээҕи "Уолан" гимназия директорын иитэр үлэҕэ солбуйааччыта Уолан Васильевич Колодезников төрүт үгэстэри тутуһуу, сахалыы иитии туһунан кэпсээтэ. Кини "Байыанна-полевой хомуур", "Удьуор утума", муус ылыыта, муҥха, "Аҕа, уол, учуутал" күрэхтэрин уонна "Байдам" уо.д.а. курдук тэрээһиннэр тустарынан баай уопутун үллэһиннэ. Салгыы Суотту орто оскуолата оҕону үлэнэн иитиигэ, Уһун-Күөллээҕи "Чуораанчык" уһуйаан эбээ үөрэҕин нөҥүө патриотическай өйгө-санааҕа иитиигэ, * Баатаҕайдааҕы "Күнчээн" уһуйаан саха төрүт үгэстэригэр тэрийэр үлэлэрин туһунан кэпсээтилэр. Мүрүтээҕи эдэр натуралистар станциялара оҕону иитиигэ, өбүгэ булдун малын сөргүтэр үлэлэрин туһунан, Өспөх орто оскуолата "Дьиэ кэргэн тускула" электроннай хаһыат, "Сиэрдьит", "Удьуор ситимэ" бырайактарын иһитиннэрдилэр. Галина Никитична Иванова - Айтыына "Кэскил" этнопедагогика экодухуобунай сайдыы тирэҕин туһунан, киһи айылҕалыын ситимнээн сиэрдээхтик олоруутун туһунан кэпсээтэ. Кэлбит ыалдьыттар санаа атастастылар, түмсүүлэр сугулаан резолюцията ылылларыгар норуот педагогиката сайдарын туһугар бииргэ былааннаан үлэ тэрийэргэ этиилэри киллэрдилэр. Уус Алдан улууһун киин библиотеката "Норуот педагогиката - олох муудараһа" диэн дириҥ ис хоһоонноох быыстапканы туруорда. Тэрээһин биир сүдү бэлиэ түгэнинэн Россия Геройа Андрей Григорьев-Тутаны кытта көрсүһүү буолла. Көрсүһүүгэ Уус Алдан улууһун баһылыга Василий Петрович Алексеев уонна оройуоннааҕы депутаттар Сэбиэттэрин Бэрэссэдээтэлэ Иннокентий Иннокентьевич Аммосов тыл эттилэр, Григорьевтар дьиэ кэргэҥҥэ бэлэх туттардылар. Салгыы "Кэрэхсэбиллээх чахчылар" кинигэ ааптара Масаха Мэхээһи кытта көрсүһүү буолла. Көрсүһүүгэ ааптар бэйэтин туһунан кэпсээтэ, историяны билии суолтатын уонна тыа хаһаайыстыбатын тула санааларын үллэһиннэ.

«Түмүс, оонньоо, кыай!» 🤩 Сэтинньи 5 күнүгэр С.С. Васильев-Борогонскай аатынан киин библиотека «Түмүс. Оонньоо. Кыай!» интеллектуальнай оонньуу иккис сүүмэрдиир түһүмэҕин бу сырыыга Мүрү алааһын оҕо тэрилтэлэрин икки ардыларыгар үрдүк таһымҥа ыытта. Оонньууга уопсайа сэттэ хамаанда - Бороҕонтон «Мичил», «Сардаана», «Кэскил», «Мичээр», Мындаабаттан «Күнчээнэ», «Кэнчээри», Майаҕастан «Чуораанчык» коллективтара илин-кэлин түһүстүлэр. Оонньуу бэрт сытыытык барда. «Блиц-боппуруостар», «Кини кимий?», «Айымньы аатын, ааптарын таай», «Ырыаны таай», «Тыл оонньуута» түһүмэхтэргэ саха тылын, литературатын, култууратын, улуустан төрүттээх биллиилээх дьон тустарынан билиилэрин тургутууга туһаайлыннылар. Оонньууну библиотекарь Мария Заболоцкая бэрт сэргэхтик, ураннык салайан ыытта. Ону таһынан, библиотека үлэһиттэрэ көрөөччүлэргэ анаан оонньуулары, музыкальнай нүөмэрдэри бэлэмнээтилэр. Бары сөбүлүүр ырыаһыппыт Айаал Вырдылин ылбаҕай ырыатын бэлэхтээтэ. Дьүүллүүр сүбэҕэ бэрэссэдээтэлинэн Лена Павлова, чилиэннэринэн Галина Аммосова, Вера Портнягина үлэлээтилэр. Түмүккэ, бастакы миэстэҕэ Бороҕонтон «Мичээр»🥇 , иккис миэстэҕэ Майаҕастан «Чуораанчык»🥈 , үһүс миэстэҕэ Мындаабаттан «Күнчээнэ» 🥉 хамаандалара таҕыстылар. Кыайыылаахтар аны саас ыам ыйыгар оонньуу түмүктүүр түһүмэҕэр кыттыахтара. ✅ Макс каналбытыгар суруттар https://max.ru/id1427002410_gos

e.uacbs.ru Иван Мигалкин "Муосмурун көрүдьүөстэрэ" буктрейлер

e.uacbs.ru Иван Мигалкин "Балык ууну тоҕо булбутай" Москвитин Семен, буктрейлер

e.uacbs.ru "Күн уонна Күөл" В.Г. Григорьева - Нарыйа Элясова, Буктрейлер.

e.uacbs.ru Олонхо, Москвитин Семен оҥорбут буктрейлера

#Библиомаяк

#библиомаяк

Наш социальный партнер Айталина Неустроева.

Виртуальнай выставка

Күндү ааҕааччылар! Быйыл Уус Алдан улууһугар культурнай-сырдатар салаа тэриллибитэ 75 сылын туолла. Культура киэҥ эйгэтигэр библиотека ааҕар балаҕантан саҕалаан биир сүрүн миэстэни ылар. Библиотека 95 сыллаах историятыгар элбэх киһи үлэлээн, нэһилиэк олоҕор биллэр суолу-ииһи хаалларбыттара, норуот сайдыытыгар дьоһун кылааттарын киллэрбиттэрэ. 75 сыллаах үбүлүөйгэ анаан «Библиотека – барыбыт киэн туттуута» диэн циклы салҕаан, СӨ культурытын туйгуна, Курбуhах нэhилиэгин бочуоттаах олохтоо5о Пестрякова Акулина Дмитриевна үлэтин сырдатабыт. Уус-Күөл модельнай библиотеката бэлэмнээбит матырыйаала киллэрилиннэ.

Биэриини бэлэмнээтэ Уус Алдан улууһун Кэптэни модельнай библиотеката

Күндү ааҕааччылар! Быйыл Уус Алдан улууһугар культурнай-сырдатар салаа тэриллибитэ 75 сылын туолла. Культура киэҥ эйгэтигэр библиотека ааҕар балаҕантан саҕалаан биир сүрүн миэстэни ылар. Библиотека 95 сыллаах историятыгар элбэх киһи үлэлээн, нэһилиэк олоҕор биллэр суолу-ииһи хаалларбыттара, норуот сайдыытыгар дьоһун кылааттарын киллэрбиттэрэ. 75 сыллаах үбүлүөйгэ анаан «Библиотека – барыбыт киэн туттуута» диэн циклы салҕаан, СӨ культурытын туйгуна, Курбуhах нэhилиэгин бочуоттаах олохтоо5о Аммосова Октябрина Ивановна үлэтин сырдатабыт. Уус-Күөл модельнай библиотеката бэлэмнээбит матырыйаала киллэрилиннэ.

Слепцова Клара Федоровна РФ культуратын үтүөлээх үлэһитэ, РФ " Тыа сирин бастыҥ культура үлэһитэ", улууска "2000 сыл" бастыҥ библиотекара, ССРС культуратын, СР гражданскай көҕүлээһин туйгуннара, СР норуоттарын II Конгреһын делегата, Уус Алдан улууһун, Бэрт Ууһун нэһилиэгин бочуоттаах олохтооҕо. Уус Алдан улууһугар культура салаата тэриллибитэ 75 сылыгар Уус Алдан улууһун С.С.Васильев -Борогонскай аатынан киин библиотека анал таһаарыыта.

Сэрии кэмин оҕолоро Прядезников Г.Д. уонна Римма Романовна бииргэ олорбуттара 50 сылын бэлиэтээһин. Кэптэнитээҕи модельнай библиотека бэлэмнээбит материала киллэрилиннэ