Шәһри Казан / Шахри Казан

"Россия — Шәрык" фестиваленең генераль продюсеры Рифат Фәттахов белән аралашып, чарага килүче чит ил кунаклары һәм татар артистларының бүгенге заман сәхнәсендәге урыны турында сораштык.

Җәйге көпчәкләр белән саубуллашырга вакыт! Соңга калсаң, беренче кар белән бергә шиномонтажларда да чиратлар башлануы бар. «Шәһри Казан» журналисты Дамир Бәдриев та гаражга ашыккан. Тимер атының көпчәкләрен кышкысына алыштырырга кирәк бит! Ял ял белән, ә иминлек беренче урында. Ә сез машинагызны кышка әзерләдегезме? Киңәшебез шул: беренче карны көтмәгез, соңга калмагыз! Юлларда сак булыгыз! ❄️

Күптән әни булсак та, әни янында без сабый. Назлы тавышың, Йөрәк җылың Алыштырмабыз, әни, Һичнигә. Хезмәттәшебез корректор Алсу Сафиуллина, сеңлесе Ләйсән әниләре Әлфия апа белән.

#шәһриказандакайныйбыз

Саба районы Иске Мичән авылында яшәүче Фирдәвес апа Хәйруллина газеталар укырга ярата. Укыганнарын гына түгел, һәр санын кадерләп җыеп, еллар буе саклый ул. Архивында хәтта 2021 елгы газеталар да бар! 📰 «Иң яратканым — „Шәһри Казан. Язмыш“ газетасы», — ди 85 яшьлек укучыбыз. Фирдәвес апа киләсе ярты еллыкка да язылып куйган инде. 🥰 Ә сез газеталарга язылдыгызмы әле? 📬 📹 Дилбәр Гарифуллина

Бу җиңүләргә нигез 2023 елда "Россия- Ислам дөньясы" форумында башлана. Рестораторлар һәм отельерлар ассоциациясе президенты Зөфәр Гаязов белдергәнчә, Татарстан пешекчеләренең хезмәте Төркия вәкилләрендә кызыксыну тудыра, алар махсус бәйгедә катнашырга чакыра. Һәм безнекеләр җиңү арты җиңү яулый башлый. Ассоциациянең Халыкара элемтәләр буенча белгече Лилиана Фаттахова чит илләргә баргач, ул пешекчеләр белән жюри арасында тәрҗемәче буларак кына катнашмый, ә татар халкының милли гореф-гадәтләрен, кунакчыллыгын сөйләп, чит илләрне Татарстан белән дә таныштыра.

"Әлеге җырны икенче елга бөтенесе белергә тиеш,"- дип язган үзенең шәхси блогында Артем Пискунов. Шуңа күрә лайк куябыз һәм җырның сүзләрен өйрәнә торабыз😊

Бүген Аксубай районы Яңа Үзи авылында "Шәһри Казан" газетасының элекке баш мөхәррире, журналист, филология фәннәре кандидаты Радик Сабировка багышланган тантаналы чара узды. Яңа Үзи мәдәният йортындагы музейда танылган шәхескә багышланган экспозиция ачылды. Сәхнәдә Сабировлар нәселенең дәвамчы, абыйсы Радикның яраткан энекәше, энесе Рөстәмнең улы Рамзан Сабиров та чыгыш ясады.

Казан шәһәрендә яшәүче Гөлсинә апа өчен тәрәзә төбендәге бер гөл — улы Русланнан калган иң кадерле истәлек. Руслан әнисенә бу гөлне үзе алып кайткан. Улы махсус хәрби операциягә киткәч, гөлнең яфраклары саргая башлый. Ана йөрәген шом баса. Ә беркөнне гөл кинәт яңадан шаулап үсеп китә. Гөлсинә апа аның яфракларын сыйпап: «Улым яши… Чәчәк ата бит, димәк, бар да әйбәт булачак», — дип үзен юата. Руслан — тыныч, ярдәмчел, җаваплы егет була. Заводта яхшы белгеч, гаиләсендә кайгыртучан ир һәм әти. 2022 елда ул хәрби хезмәткә китә. 2023 елның 9 декабрендә Руслан Ягодное тирәсендә һәлак була. Ана өчен бу хәбәргә ышану мөмкин түгел. Ул әле дә улы шалтыратыр, ишектән кереп килер кебек көтә. Русланның улы Эмиль дә һаман: «Әти кайда?» — дип сорый. Ә тәрәзә төбендә улыннан калган гөл үсә. Кайгыны вакыт бетерми. Ул бары тик аны йөрәкнең бер өлешенә әйләндерә. Гөлсинә апа өчен Руслан яши. Хәтердә. Йөрәктә. Һәм шул гөлнең һәр чәчәгендә. Лилия Гайнуллина

Бүген «Татмедиа» агентлыгында мөселман тренеры Айрат Дамир улы Кәлимуллин истәлегенә джиу-джитсу буенча дөнья чемпионатын үткәрүгә багышланган матбугат конференциясе узды. Чемпионатны оештыру, аның максатлары һәм спортның әлеге төрен үстерү мәсьәләләре турында фикер алыштылар. Хөрмәтле ТР мөфтие Ками Сәмигуллин да безнең белән булды. ✅«Шәһри Казан» журналистлары матбугат конференциясеннән видеообзор әзерләде. Очрашуның төп мизгелләрен безнең белән бергә карагыз! 🎬 Видео: Адилә ӘХМӘТШИНА. 📰 Тулырак мәгълүматны Дамир Бәдри материалында «Шәһри Казан» #шәһриказан #татамедиа #джиуджитсу

Шагыйрь, прозаик, Татарстанның атказанган сәнгать эшлеклесе Марсель Галиев күңеленә якын булган әдәби жанры турында бүлеште. Марсель Галиев белән тулырак әңгәмәне тиздән безнең газета битләрендә укый алачаксыз🙏🏻

Тантана, гадәттәгечә, республика мәктәпләрендә беренче мәртәбә эшкә керешәчәк педагогик югары уку йортларын һәм көллиятләрне тәмамлаучы яшь укытучыларны, шулай ук аларның остазларын берләштерде. Һөнәргә багышлау – символик вакыйга гына түгел, яшь педагогларны озата бару системасының мөһим элементы да. Татарстан мәгариф һәм фән министры Илсур Һадиуллин яшь укытучыларга хәер-фатихасын бирде, гаять мөһим, җаваплы эшчәнлекләрендә уңышлар теләде. Һөнәргә яңа гына аяк атлаган белгечләр исә, үз чиратында, эшләрен намуслы башкарырга ант бирде. Гүзәл Камалова хәбәре

Мөфтиятнең "Зәкят" хәйрия фонды 30 сентябрьгә 500 мохтаҗ гаиләгә, социаль оешмаларга һәм мәдрәсәләргә 20 тоннадан артык гошер таратты. Гошер Балтач, Балык Бистәсе, Теләче, Мамадыш, Алексеевск, Минзәлә, Биектау һәм Кайбыч районнарыннан килде. Дилбәр Гарифуллина хәбәре

🥳📰 «ТАТМЕДИА» – республикабызның төрле почмакларында эшләүче меңләгән журналистны берләштергән зур иҗади гаилә. Аның тавышы Татарстанда гына түгел, илебезнең төрле төбәкләрендә һәм чит илләрдә дә яңгырый. ✨ Журналист – ул мәгълүмат җиткерүче генә түгел, ә җәмгыять белән заман арасында күпер салучы, халык ышанычын яулаучы, сүз көче белән тарих язучы шәхес тә. ❤️ «Шәһри Казан» журналистлары да – шушы зур гаиләнең бер өлеше. Без бергә, без бердәм һәм без сезнең өчен эшлибез! 🎂 #Татмедиа #ШәһриКазан #журналистТМ