Баайыы халадаай маастара

Халадаай - саха дьахтарын киэн туттуута. Тигиллэр матырыйаала, өҥө-дьүһүнэ, быһыыта-таһаата кэм ирдэбилигэр сөп түбэһиннэрэн уларыйдар да, ис тутула, сүрүн бараана көлүөнэни ситимниир, дьахтар аймаҕы ис кэрэлиир, эдэриттэн эмэнигэр тиийэ норуот быґыытынан киэн туттууну түстүүр. Таатта уран тарбахтааҕа Лидия Тимирдева халадаайдарын өрөн оҥорор Саха оһуора-мандара хайа да бэйэлээх таҥаска-сапка дьэрэлийэ түстэҕинэ, бэйэтэ туспа тыыннанар, кэрэ көстүүлэнэр. Бу сибэкки кэриэтэ кырачаан сир симэхтэрэ, мааны далбар хотуттар, алаһа дьиэ аҕа баһылыктара кэтэн турар халадаайдара, сонноро- барыта ийэлэрин, эбэлэрин уран тарбаҕынан баайыллыбыт ЛИДИЯ ТИМИРДЯЕВА- ТААТТА УЛУУҺУН НОРУОТУН МААСТАРА Улахан кыыс Анна биирдэ даҕаны маҕаһыынтан ылыллыбыт таҥаһы таҥныбакка оскуоланы бүтэрбитим диир. Хас биирдии бырааһынньыкка саҥаттан саҥа бэрт кырасыабай былааччыйалары кэтэрин астына кэпсиир АННА БОППОСОВА- УЛАХАН КЫЫС Боруобаҕа диэн өрүллүбүт бастакы былааччыйаны билигин кырачаан хос сиэн сайбаччы кэтэ сылдьар. Онтон үс ыйдаах улахан үлэ түмүгэ- кыра кыыс Лида халадаайыгар 16 устуука 500 миэтирэлээх баайыы саба барбыт. Ол аата 8 км усталаах сап туһаныллыбыт ЛИДИЯ АРГУНОВА-КЫРА КЫЫС ЛИДИЯ ТИМИРДЯЕВА- ТААТТА УЛУУҺУН НОРУОТУН МААСТАРА Ытык Таатта маанылаах кийиитэ, тапталлаах ийэ, эбэ, хос эбэ бу курдук хас биирдии күнүн оһуорунан киэргэтэр, иис хатыламмат эйгэтин бараммат баайыттан сомсо олорор.