Хæст æмæ æрдз, сывæллæтты экологон форум, зæхкусæджы æнтыстытæ | Йæ рæстæгыл

Иугонд нациты организацийы куыд раиртæстой, афтæмæй фæстаг 60 азмæ хæстыты 40% баст уыдысты æрдзон хæзнатæй пайда кæнынимæ. Дзырдæн, Фыдыбæстæйы Стыр хæсты рæстæг, нæ бæстæ фесæфта 194 кубометры хъæд. Хæстон быцæуты фæстиуджытæ Зæххы къори цæмæ æркæндзысты æмæ цы уавæртæ æнхъæлмæ кæсынц адæммæ, уыдæттыл æмæ ма экологийы иннæ фарстатыл нæ уазæгимæ. Санкт-Петербурджы фыццаг хатт сарæзтой сывæллæтты æппæтдунеон экологон форум. 500 æвзонг иртасæгæй дзы фылдæр уыд. Æмбырды архайдтой нæ респбуликæйы минæвæрттæ дæр. Æмæ сæ къухы æнтыстытæ бафтыд. Фондзæй дзы систы уæлахиздзаутæ. Иуы дзы фæхуыдтам нæ студимæ. Фæлхасгæнæг дуканимæ бацæуы æмæ цæттæйæ балхæны дыргътæ æмæ халсартæ, дзидза æмæ æхсыры продукттæ. Фæлæ дзы цас фæллой ис, уый та æрмæст йæ бакусæг зоны. Уыдонæй иу - нæ уазæг.