Махъоты Мæдинæ сси Æппæтуæрæсеон проект "ТопБЛОГ"-ы финалисткæ

Цæгатирыстойнаг Махъоты Мæдинæ сси Æппæтуæрæсеон проект "ТопБЛОГ"-ы финалист. 4-æм сезоны кæронбæттæн ацыд "Сенеж"-ы разамынды æрмадзы. Куыстытæ баст уыдысты Уӕрӕсейы регионтӕ, цӕрджытӕ, традицитӕ, ӕнтыстдзинӕдтӕ ӕмӕ хӕзнатимӕ. "ТопБЛОГ" у социалон нысаниуæгимæ контенты автортæн æххуысы егъау медиапроект. Финалмæ рацыдысты 150 адæймаджы. "Россия — страна возможностей" платформæйы пресс-службæйы бæрæггæнæнтæм гæсгæ, ацы аз мадзалы архайдтой æгас бæстæйæ 31 мин минæварæй фылдæр.